কৃষ্ণাইত সচেতন নাগৰিক মঞ্চৰ উদ্যোগত নিয়মীয়া চাফাই অভিযান

♦কৃষ্ণাইৰ পৰা কন্দৰ্প কুমাৰ দেৱ নাথঃ গোৱালপাৰা জিলাৰ সচেতন নাগৰিক মঞ্চ, কৃষ্ণাইৰ উদ্যোগত গ্ৰহণ কৰা হৈছে এক সুদূৰপ্ৰসাৰী পদক্ষেপ৷ সপ্তাহটোৰ প্ৰতি শনিবাৰে সমগ্ৰ কৃষ্ণাই বজাৰ খনত সমূহীয়া চাফাই অভিযানৰ পাতনি মেলিছে মঞ্চই৷

যোৱা শনিবাৰে শুভাৰম্ভ কৰা চাফাই অভিযানৰ আজি দ্বিতীয় দিন৷ আজি পুৱা ১০ বজাৰ পৰা অনুষ্ঠিত কৃষ্ণাই বজাৰ চাফাই অভিযানত অঞ্চলটোৰ শতাধিক ৰাইজে অংশ গ্ৰহণ কৰে৷ মঞ্চৰ উদ্যোক্তা সকলে জনোৱা অনুসৰি, কৃষ্ণাই মূল বজাৰ খনৰ লগতে পাৰ্শ্ববতী অঞ্চলবোৰতো সচেতন নাগৰিক মঞ্চ, কৃষ্ণায়ে চাফাই অভিযান চলাব৷