চৰাইৰ সুললিত কণ্ঠই মুখৰিত কৰিছে বৰলাপাৰ-বুঢ়া-বুঢ়ীৰপুখুৰী পাৰৰ :
নাৰায়ণপুৰৰ ঐতিহাসিক বৰলা আৰু বুঢা-বুঢী পুখুৰী সংৰক্ষনৰ দাবী স্থানীয় ৰাইজৰ।
চৰাইৰ সুললিত কণ্ঠই মুখৰিত কৰিছে বৰলাপাৰ-বুঢ়া-বুঢ়ীৰ পুখুৰী পাৰৰ ।
শীতৰ আগমনৰ লগে লগে নাৰায়ণপুৰৰ ঐতিহাসিক বৰলাপাৰ আৰু বুঢ়া -বুঢ়ী পুখুৰীত দেশ-বিদেশৰ বিভিন্ন প্ৰজাতিৰ চৰাই- চিৰিকতিৰ আগমন ঘটে ।
বিশেষকৈ শৰালী, পানীকাউৰী, বৰটোকোলা, দেওহাঁহ, আৰু শামুকভঙাই প্ৰধান ।
দুয়োটা পুখুৰীলৈ আগমন ঘটা এই পৰ্যটনমুখী চৰাই-চিৰিকতিৰ সুমধুৰ কল-ৰৱ কণ্ঠই বসন্ত নমাই আনে সমগ্ৰ অঞ্চলটোলৈ ।
চৰাই-চিৰিকতি এই এনে আগমনৰ দৃশ্য উপভোগ কৰিবলৈ প্ৰতি বছৰে অৰুণাচলৰকে ধৰি বহু ঠাইৰ পৰা প্ৰকৃতি প্ৰেমী সকল দৌৰি আহে ।
জনশ্ৰুতিৰ মতে আৰিমত্ৰ ৰজাই খন্দোৱা এই পুখুৰী দুটা অসম চৰকাৰে সংৰক্ষন কৰি পখি উদ্যান হিচাপে গঢি তুলিলে অঞ্চলটোৰ পৰ্যটন স্থলী হিচাপে গঢ়লৈ উঠিব । বৰ্তমান নামনি লক্ষীমপুৰ প্ৰকৃতিক সংৰক্ষনৰ অধিনত থকা পুখুৰী দুটা স্থানীয় যুৱক-যুৱতী সকলে চোৱা-চিতা কৰি আহিছে । স্থানীয় অঞ্চল বাসী লোকসকলে দীৰ্ঘ দিন ধৰি চৰকাৰৰ ওচৰত পুখুৰী দুটা সংৰক্ষনৰ দাবী জনাই আহিছে যদিও আজিলৈকে চৰকাৰে সংৰক্ষনৰ ব্যৱস্থা গ্ৰহন নকৰিলে ।
ইফালে কাষতে থকা পাহাৰীয়া দ্ৰোৰপাং নদীৰ বানৰ কবলত পৰি কেতিয়াবা দুয়োটা পুখুৰী হেৰাই যোৱা আশংকা প্ৰকাশ কৰিছে স্থানীয় ৰাইজে ।
নাৰায়ণপুৰৰ পৰা জয়ন্ত কুমাৰ হাজৰিকাৰ প্ৰতিবেদন
Leave a Reply