চতুৰ্থ ৰাষ্ট্ৰীয় জুনিয়ৰ অপেন ৱাটাৰ চুইমিং চেম্পিয়নশ্বিপৰ বাবে অসম দলৰ ঘোষণা

উত্তৰ গুৱাহাটীঃ কৰ্ণাটকৰ উদুপি জিলাৰ পাদুবিদ্ৰী, ব্লু ফ্লেগ এণ্ড পইণ্ট বীচত অহা ২৩ আৰু ২৪ নৱেম্বৰত অনুষ্ঠিত হ’বলগীয়া চতুৰ্থ ৰাষ্ট্ৰীয় জুনিয়ৰ অপেন ৱাটাৰ চুইমিং চেম্পিয়নশ্বিপত অংশগ্ৰহণ কৰাৰ বাবে (২০২৪ বৰ্ষৰ) অসম সাঁতোৰ সন্থাই অসমৰ দহজন প্ৰতিভাশালী সাঁতোৰবিদৰ নাম ঘোষণা কৰিছে ।অসম সাঁতোৰ সন্থাৰ সাধাৰণ সম্পাদক ভাস্কৰ ৰঞ্জন দাস আৰু প্ৰচাৰ সম্পাদক মুকুটেশ্বৰ গোস্বামীয়ে জানিবলৈ দিয়া মতে খেলুৱৈসকল হৈছে প্ৰেৰণা লোধ, অংগৰিকা গগৈ, ভাৰ্গৱী হাজৰিকা, তপস্যা ৰাজ নন্দিনী, দিগন্ত ৰায়, মীৰাজ হুছেইন, কমল কৃষ্ণ দাস, ঋষি ঘোষ, মানশ ৰাহাং, প্ৰিয়াংশু তালুকদাৰ।দলটোৰ সৈতে প্ৰশিক্ষক বাবুল গুৰুং আৰু দলৰ মেনেজাৰ ধনঞ্জয় দাস উপস্থিত থাকিব। অসম সাঁতোৰ সন্থাই দলটোৰ ওপৰত আস্থা প্ৰকাশ কৰাৰ কৰাৰ লগতে সংস্থাটোৱে খেলুৱৈসকলক শুভকামনা জনাইছে।