গোলাপত তোমাৰ সৌন্দৰ্য
এই ৰঙা গোলাপ ফুলপাহ লৈ
ৰাতিপুৱাই মোক শুভেচ্ছা দিবলৈ
কিয় আহিলা
তুমি হাতত অনা গোলাপ পাহি
কাইলৈ দেখোন মৰহিয়েই যাব
তুমি গোলাপ পাহি অনাৰ আগতে
মোৰ হৃদয়খন কিয় এবাৰো চুই নাচালা
তুমি অনা ফুলপাহতকৈও ধুনীয়া
মোৰ হৃদয়ত ফুলি থকা গোলাপ পাহি
মৃত্যুৰ আগলৈকে ফুলি থাকিব
তোমাৰ সৈতে সদায়েই মৰমত হাঁহি
কাঁইটৰ মাজৰ পৰা তুমি চিঙি আনিলা
তুমি যদি মোৰ ওচৰত আহি এনেও
শুভেচ্ছা দিলা হয়
তুমি নোকোৱাকৈয়ে
মোৰ হৃদয়ৰ পৰা ফুলপাহি উলিয়াই
তোমাৰ হাততে মৰমেৰে গুজি দিলোঁ হয়
আজি বাৰু সতেজ হৈ আছে তুমি ভাল পাবা
কাইলৈ মৰহি যোৱা ফুলপাহ দেখি
মোৰ জানো ভাল লাগিব
এপাহ ফুল নহয় ই জীৱনৰ সেন্দূৰীয়া আলি
অন্তৰত পৱিত্ৰতা নাথাকিলে গোটেই জীৱনটোৱে খালী
তুমি গোলাপ ভালপোৱা সেই কথা মই জানো
সমন্ধ গঢ়িবলৈ গোলাপৰ প্ৰয়োজন নাই
মোৰ হিয়াৰ মৰমবোৰ চুই চাব নালাগে
যোৱা সেই নদীখনৰ কাষলৈ গৈ
নিস্তব্ধতাৰে তোমাৰ বুকুত হাত খন দি
এবাৰ মোৰ নামটো মাতিবাচোন কেনেকুৱা লাগে…
ৱাহিদ আহমেদ
কাটাৰ, ডোহা
+97431204571
wahidahmed511@yahoo.com
