কৃষ্ণাইত ৰে’লৰ খুন্দাত বৃদ্ধাৰ মৃত্যু

■ কৃষ্ণাইৰ পৰা কন্দৰ্প কুমাৰ দেৱ নাথঃ গোৱালপাৰা জিলাৰ কৃষ্ণাই আৰক্ষী থানাৰ অন্তৰ্গত ধাইগাঁৱত আজি নিচেই পুৱা যাত্ৰীবাহী ৰে’লৰ খুন্দাত এগৰাকী বৃদ্ধা নিহত হয়। নিহত বৃদ্ধা গৰাকীৰ নাম কানন বালা হাজং বুলি জানিব পৰা গৈছে।

জানিব পৰা মতে, ধাইগাওঁ শোলমাৰিৰ হাজং গাঁৱৰ ৯০ বছৰীয়া কানন বালা হাজঙে বিয়া খাবলৈ যোৱাৰ উদ্দেশ্যে আজি পুৱা প্ৰায়  ৬.৩০ বজা মানত ঘৰৰ পৰা ওলাই আহিছিল। পিছে ধাইগাঁৱত ৰে’ল আলি পাৰ হ’বলৈ ধৰোঁতেই বিপৰীত দিশৰ পৰা আহি থকা যাত্ৰীবাহী ৰে’ল এখনে বৃদ্ধা গৰাকীক খুন্দিয়ায়।

ইয়াৰ ফলত বৃদ্ধা গৰাকী ৰে’ল আলিৰ কাষৰ বননিত পৰি যায় আৰু ঘটনাস্থলীতে কানন বালা হাজঙে শেষ নিশ্বাস ত্যাগ কৰে৷ ঘটনাটোৱে অঞ্চলটোত শোকৰ ছাঁ পেলাইছে।