গণ সচেতনতাৰ লক্ষ্যৰে মহানমহানগৰীত নিৰ্বাক গোষ্ঠীৰ সচেতনতা মূলক চাইকেল যাত্ৰা

◊ গুৱাহাটীৰ পৰা সংবাদদাতা, মনীষা শৰ্মাঃ মূকাভিনয়ৰ জৰিয়তে ‘নিৰ্বাক’ গোষ্ঠীয়ে আজি মহানগৰীত গ্ৰহন কৰে এক ব্যতিক্ৰমী পদক্ষেপ। গোষ্ঠীটোৱে আজি ব্যতিক্ৰমী শৈলীৰে MIME ON CYCLE শীৰ্ষক এক পদক্ষেপৰ জৰিয়তে মূকাভিনয় কৰি চাইকেল চলাই মহানগৰীত য’তে ত’তে পিক নেপেলাবলৈ এক সজাগতামূলক কাৰ্য্যসূচী ৰূপায়ন কৰে। যুৱ মুকাভিনয় শিল্পী মিনাংক ডেকাৰ নেতৃত্বত গুৱাহাটী পৌৰ নিগমৰ সহযোগিতাত আজি মহানগৰৰ গণেশগুৰি পৰা এই সজাগতামূলক কাৰ্যসূচী অনুষ্ঠিত হয়।

গুৱাহাটী পৌৰ নিগমৰ সহকাৰী আয়ুক্ত Suhel Yasir (সোহেল যাঁচিৰ), গুৱাহাটী পৌৰ নিগমৰ উপাধ্যক্ষ আৰু ৩১ নং ৱাৰ্ডৰ পাৰিষদ ৰত্না সিং, যুৱ সমাজ কৰ্মী ভাস্কৰ জ্যোতি দাস ৰ উপস্থিতিত এই অনুষ্ঠানৰ শুভাৰম্ভণি ঘটে। নিৰ্বাক গোষ্ঠীৰ সদস্য সকলে চাইকেল চলাই মুকাভিনয়ৰে গণেশগুৰি পৰা দীঘলীপুখুৰী লৈ এই সজাগতা অভিযান চলায়।