বিশ্বনাথত জঘন্য কাণ্ড :: ১৪ বছৰীয়া কিশোৰীক ধৰ্ষণঃ ৰঙা ঘৰৰ আলহী হ’ল ৫০ উৰ্ধৰ ব্যক্তি

বিশ্বনাথত জঘন্য কাণ্ড :: ১৪ বছৰীয়া কিশোৰীক ধৰ্ষণঃ ৰঙা ঘৰৰ আলহী হ’ল ৫০ উৰ্ধৰ ব্যক্তি

বিশ্বনাথ চাৰিআলি

২৪ জুনঃ- বিশ্বনাথৰ ছোৱাগুৰীত সংঘটিত হৈছে এক জঘন্য কাণ্ড । ৫০ বছৰীয়া ব্যক্তিৰ কামনাৰ বলি হ’ল এগৰাকী ১৪ বছৰীয়া কিশোৰী । প্ৰায় চাৰি মাহ পূৰ্বে কিশোৰীগৰাকীক ধৰ্ষণ কৰাৰ পিছত আজি পোহৰলৈ আহে সমগ্ৰ ঘটনা ।

আজি পৰিয়ালৰ এজেহাৰৰ ভিত্তিত অভিযুক্ত লম্পট খুৰছিদ আলিৰ বিৰুদ্ধে ভাৰতীয় দণ্ড বিধি আইনৰ ৩৭৬ ধাৰাৰ ৪ নং পোকচো এক্টৰ অধীনত গোচৰ ৰুজু কৰি বিশ্বনাথ আৰক্ষীয়ে অভিযুক্তক গ্ৰেপ্তাৰ কৰে । জানিব পৰা মতে বিশ্বনাথ সদৰ থানাৰ ভাৰপ্ৰাপ্ত আৰক্ষী বিষয়াহাজোৱাৰীৰ নেতৃত্বত যোৱা আৰক্ষীৰ দলে পলায়ন কৰিব বিচৰা অভিযুক্ত খুৰছিদক খেদি খেদি মৰাপাট খেতিৰ মাজৰ পৰা আটক কৰে ।