নাম্বাৰপাৰা, গোলাপাৰাত গৰাখহনীয়াৰ তাণ্ডৱঃ শংকিত নৈপৰীয়া ৰাইজঃ নতুন বিধায়ক, নতুন চৰকাৰলৈ ৰাইজৰ অনুৰোধ

♦ বঙাইগাঁও জিলাৰ ৩৪ নং অভয়াপুৰী উত্তৰ বিধান সভা সমষ্টিৰ অন্তৰ্গত তথা সৃজনগ্ৰাম ৰাজহ চক্ৰৰ অন্তৰ্গত নাম্বাৰপাৰা, গোলাপাৰা, বাংলাপাৰাকে আদি বৃহত্তৰ অঞ্চলত গৰাখহনীয়াৰ তাণ্ডৱত নিদ্ৰা হৰিছে নৈ পৰীয়া ৰাইজৰ। যোৱা কেইবাদিনৰ বৰষুণত মানাহত বৃদ্ধি পাইছে জলপৃষ্ঠ। যাৰ বাবে নাম্বাৰপাৰা, গোলাপাৰা আৰু বাংলা পাৰাত ব্যপক গৰাখহনীয়াৰ সৃষ্টি হৈছে। বাংলাপাৰা, গোলাপাৰাত প্ৰতিবছৰে প্ৰায় ৩০/৪০ বিঘা কৈ কৃষি ভূমি মানাহৰ বুকুত জাহ যায়। প্ৰতি বছৰে নিশ্চিহ্ন হৈছে কেইবাটাও কৈ ঘৰবাৰী।

বিগত দিনত বিধায়ককে আদি কৰি কোনো জনপ্ৰতিনিধিয়ে গুৰত্ব নিদিয়াত বিস্তৰ ক্ষতিৰ সন্মুখীন হৈ আহিছে সাধাৰণ নৈ পৰীয়া ৰাইজ। গৰাখহনীয়াৰ সম্পৰ্কে প্ৰাক্তন বিধায়ক আব্দুল হাই নাগৰীক বাৰম্বাৰ অৱগত কৰাৰ পাছতো কোনো গুৰুত্ব দিয়া নাছিল যাৰবাবে লাহে লাহে সৰ্বস্ব কাঢ়ি নিছে মানাহে। এই গৰাখহনীয়াৰ বিষয়ে সাংসদ ছিৰাজ উদ্দিন আজমলকো অৱগত কৰি কোনো সু ফল পোৱা নাই ৰাইজে। বহু পৰিয়ালৰ একমাত্ৰ ঘৰৰ ভেটিটোকো উঠুৱাই নিছে মানাহে।

যাৰ বাবে বহু সমস্যাৰ সন্মুখীন হৈ আহিছে উক্ত পৰিয়াল সমূহ। ইফালে গোলাপাৰাত ৪০ কৌটি টকা ব্যয় সাপেক্ষে নিৰ্মাণ কৰা দলং খনৰ প্ৰতি ভাবুকিৰ সৃষ্টি হোৱা পৰিলক্ষিত হৈছে। এনেদৰে গৰাখহনীয়া অব্যাহত থাকিলে দলং খনৰ প্ৰতি ভাৱুকি আহি যাব। সাংসদ আব্দুল খালেকে এই সমূহ অঞ্চল পৰিদৰ্শন কৰিছিল যদিওঁ আজোকোপতি কোনো ধৰণৰ ব্যৱস্থা লোৱা পৰিলক্ষিত হোৱা নাই। যাৰ বাবে সকলো গৰাখহনীয়া ক্ষতিগ্ৰস্ত ৰাইজে নতুন বিধায়ক আৰু নতুন মূখ্যমন্ত্ৰীৰ লগতে বিভাগীয় মন্ত্ৰীক ইয়াৰ বিহিত ব্যৱস্থা গ্ৰহণৰ বাবে অনুৰোধ জনাইছে।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.