ঘোচ লওঁতে  তেজপুৰত আৰক্ষী কনিষ্টবল আটক

ঘোচ লওঁতে  তেজপুৰত আৰক্ষী কনিষ্টবল আটক

তেজপুৰ, ২ ডিচেম্বৰ :শোণিতপুৰ আৰক্ষী অধীক্ষক ডাক্তৰ ধনঞ্জয় ঘনৱাতে বুধবাৰে তেজপুৰ বৰঘাত আৰক্ষীৰ এগৰাকী কৰ্তব্যৰত আৰক্ষী লেঞ্চ নায়কক ধন সংগ্ৰহৰ অপৰাধত আটক কৰে ।

আৰক্ষী অধীক্ষক ঘনৱাতে জনায় যে এজন গুচৰীয়াৰ পৰা গোচৰৰ বাবদ নগদ 3 হাজাৰ টকা লওঁতে হাতে লোতে  ধৰা পৰে আৰু আৰক্ষী বিষয়াক বৰঘাত আৰক্ষী চকীতে দেৱব্ৰত বিশ্বাস নামৰ আৰক্ষী কৰ্মচাৰী গৰাকীক আটক কৰে ।

তেওঁ জনায় যে জিলাৰ  অতিৰিক্ত আৰক্ষী  অধীক্ষকৰ নেতৃত্বত এটা দলে এই বিষয়ে এক তদন্ত অব্যাহত ৰাখিছে । উল্লেখযোগ্য যে আৰক্ষী অধীক্ষক ঘনৱাতে জনায় যে পূৰ্বেও এইগৰাকী আৰক্ষী কনিষ্টবলৰ ওপৰত ৰাইজৰ অভিযোগ উত্থাপিত হৈ আছিল ।