নলবাৰী জিলাৰ বৰবৰীৰ সমীপৰ বৰমুৰিকোণাত দেওবাৰে পুৱা উদ্ধাৰ কৰা হয় এডাল প্ৰকাণ্ড অজগৰ সাপ।
বৰমুৰিকোণাৰ পানী যোগান আঁচনিৰ সমীপত এটা পুখুৰীৰ পাৰত উদ্ধাৰ কৰা হয় অজগৰ সাপডাল।
উল্লেখ্য যে, স্থানীয় কেইজনমান যুৱকে বৃহৎ আকাৰৰ অজগৰডাল প্ৰত্যক্ষ কৰি উদ্ধাৰৰ চেষ্টা চলায়।
স্থানীয় যুৱক ক্ৰমে কৰেন দাস,ধীৰেন ডেকা, দেবেন ডেকা, অখিল দাসৰ লগতে স্থানীয় গঞা ৰাইজে অৱশেষত অজগৰডালৰ কোনো অনিষ্ট সাধন নোহোৱাকৈ কৰায়ত্ব কৰিবলৈ সক্ষম হয়।
উদ্ধাৰ হোৱা অজগৰডালৰ ওজন প্ৰায় ২৫ কিলোগ্ৰাম হ’ব বুলি অনুমান কৰা হৈছে।
আনহাতে, নলবাৰীস্থ বন বিভাগৰ লগত যোগাযোগ কৰি স্থানীয় যুৱকে সাপডাল চমজাই দিয়ে স্থানীয় বন বিভাগক।
নলবাৰীৰ ফইজুল হক চৌধুৰীৰ প্ৰতিবেদন।
Leave a Reply