মংগল নায়কৰ কাহানী/সংলাপ/চিত্ৰনাট্য আৰু জজ ৰাভাৰ পৰিছালনাৰে চাদ্ৰীভাষাৰ বোলছবি “ক্ৰোধ”ৰ দৃশ্যগ্ৰহন ।

 

মংগল নায়কৰ কাহানী/সংলাপ/চিত্ৰনাট্য আৰু জজ ৰাভাৰ পৰিছালনাৰে চাদ্ৰীভাষাৰ বোলছবি “ক্ৰোধ”ৰ দৃশ্যগ্ৰহন ।

ডিজেল অসম খবৰ ৰমেশ চন্দ্ৰ চৰেণ বিশ্বনাথ  , ২০ অক্টোবৰ:

বহু জল্পনা কল্পনাৰ অন্তত জে.এচ প্ৰডাকচনৰ বেনাৰত পোনপ্ৰথম বাৰৰ বাবে আদিবাসী চাহজনগোষ্ঠীৰ চাদ্ৰীভাষাত এখনি পুৰ্ণাংগ পৰ্যায়ৰ কথাছবিৰ চিত্ৰগ্ৰহন পুৰ্ণ গতিত চলি আছে ৷ একচন, কমেডি, ট্ৰেজেডী আৰু ৰোমাণ্টিক সকলো দিশৰ পৰা ৰাইজক আমোদ দিব পৰাকৈ ছবিখন নিৰ্মাণ কৰা হৈছে ৷ অসমৰ বিভিন্ন লোকেচনৰ লগতে অসমৰ বৰ্হিৰাজ্যতো ছবিখনৰ চিত্ৰগ্ৰহন কৰা হৈছে ৷ কাহানী মুখ্যতঃ উচ্চ বৰ্গৰ উদ্যোগপতি সকলে কি দৰে সমাজৰ দুখীয়া লোকসকলক শোষননীতিৰে জীৱন তচনচ কৰে ছবিখনৰ জৰিয়তে সুন্দৰকৈ উপস্থাপন কৰাৰ প্ৰয়াস কৰা হৈছে ৷ ছবিখনৰ কাহানী, সংলাপ , আৰু চিত্ৰনাট্য আদিবাসী চাহজনগোষ্ঠীৰ জনপ্ৰিয় কণ্ঠ শিল্পী মংগল নায়কৰ ৷ ছবিখন পৰিছালনা কৰিছে জজ’ ৰাভাই ৷ প্ৰযোজনা চাহজাহান লস্কৰ , আৰু চাহজাহান আলিৰ ৷ চিত্ৰগ্ৰহন কৰিছে হৰজোসিং ৰাভাই ৷ ছবিখনৰ গীতৰ কথা আৰু সুৰ মংগল নায়ক আৰু প্ৰীতম ৰবিদাসৰ ৷ সংগীত পৰিছালনা বিপুল চৌধুৰীৰ ৷ দিগন্ত শৰ্মাৰ ডিজিটেল ষ্টুডিঅত বাণীবদ্ধ হোৱা গীতত কণ্ঠদান কৰিছে নৱপ্ৰজন্মৰ হাৰ্টথ্ৰৱ জুবিন গাৰ্গ আৰু সুজাতা কাৰ্তিকে ৷ ছবিখনত বিকাশ দাস , চাহজাহান লস্কৰ ,জেকব নায়ক , চাহজাহান আলি ,মৌচুমী বৰা, ৰাজলক্ষ্মী ,অৰুণ কুৰ্মী , গোলচন গোৱালা ,চিমন কুৰ্মী, এনাম চৌধুৰী ,পৱন নায়ক , পুৰ্ণিমা দেৱী, ৰিয়া বিশ্বাস , বিলাল আহমেদ , গনেশ হীৰা , আলী হুছেইন ,ববী বৰা , অভিনয় কৰাৰ লগতে বহু ন-পুৰণি শিল্পীয়ে ভুমুকি মাৰিছে ৷