27 C
Guwahati
Monday, September 27, 2021

Buy now

চাহ জনজাতি লোকক চাইকেল মোবাইল বিতৰণ বিধায়ক কৃষ্ণ কমল তাঁতীৰ

■ ৰঙাপৰাঃ অসম চৰকাৰৰ চাহ জনজাতি কল্যাণ বিভাগৰ উদ্যোগত আৰু শ্ৰম বিভাগৰ সহযোগত কালি অনুষ্ঠিত কাৰ্যক্ৰমত সমষ্টিৰ বিধায়ক কৃষ্ণ কমল তাঁতীয়ে চাহ বাগিচাৰ চৰ্দাৰ, চকীদাৰ আৰু ছাত্ৰ ছাত্ৰীৰ মাজত  চাইকেল, মোবাইল ফোন বিতৰণ কৰিলে।

কালি ৰঙাপৰা নগৰস্থিত বৰজুলি শ্ৰমিক কল্যাণ কেন্দ্ৰত অনুষ্ঠিত কাৰ্যক্ৰমত চৰ্দাৰ, চকীদাৰ আৰু ছাত্র-ছাত্ৰী সকলৰ মাজত চাইকেল আৰু মোবাইল ফোন বিতৰণ কৰা হয়।

চাহ জনজাতি হিতাধীকাৰি বাচনি সমিতিৰ সদস্য মিঠুন তাঁতীয়ে আত ধৰা বিতৰণ অনুষ্ঠানত সভাপতিত্ব কৰে চাহ জনজাতি হিতাধীকাৰি বাচনি সমিতিৰ সভাপতি ধ্ৰুৱ কুৰ্মীয়ে।

সভাত মুখ্য অতিথি ৰূপে অংশগ্ৰহণ কৰি ৰঙাপৰা সমষ্টিৰ বিধায়ক কৃষ্ণ কমল তাঁতীয়ে জল জীৱন মিছনৰ উপৰত আলোকপাত কৰি কয় যে, বাগিচাৰ শ্ৰমিক সকলেও এতিয়া বিশুদ্ধ খোৱাপানী ব্যৱহাৰ কৰিব পাৰিব।

ৰঙাপৰা সমষ্টিক অসমৰ ভিতৰতে উন্নত সমষ্টি হিচাপে গঢ়ি তোলাৰ বাবে চৰকাৰে পদক্ষেপ গ্ৰহণ কৰাৰ কথাও সভাত সদৰি কৰে বিধায়কগৰাকীয়ে৷

অনুষ্ঠানত বিধায়ক কৃষ্ণ কমল তাঁতীয়ে মুখ্যমন্ত্ৰী ড৹ হিমন্ত বিশ্ব শৰ্মা নেতৃত্বাধীন ৰাজ্য চৰকাৰে চাহ জনগোষ্ঠীৰ লগতে অসমৰ সকলো জাতি জনগোষ্ঠীৰ উন্নয়নৰ বাবে বহু আঁচনি গ্ৰহণ কৰাৰ কথা ব্যক্ত কৰে৷ তেওঁ চাহ জনজাতি লোকসকলৰ কল্যাণৰ বাবেও চৰকাৰে বহু পদক্ষেপ গ্ৰহণ কৰাৰ কথা জানিবলৈ দিয়ে।

বিধায়কগৰাকীয়ে লগতে চৰকাৰৰ উন্নয়নমূলক কাম কাজত ৰাইজৰ সহযোগিতা বিচাৰে। তেওঁ ৰঙাপৰা সমষ্টিৰ অন্তৰ্গত চাহ জনগোষ্ঠী লোকসকলৰ সমস্যাসমূহ পৰ্যায়ক্ৰমে সমাধানৰ বাবে পদক্ষেপ গ্ৰহণৰ কথাও সদৰি কৰে।
বিধায়কগৰাকীয়ে ৰঙাপৰা সমষ্টিক ৰাজ্যখনৰ ভিতৰতে উন্নত সমষ্টি হিচাপে গঢ়ি তোলাৰ কথা ব্যক্ত কৰি ইয়াৰ বাবে বিভিন্ন প্ৰকল্প স্থাপনৰ বাবে আঁচনি গ্ৰহণ কৰাৰ লগতে সমষ্টিটোৰ যাতায়ত ব্যৱস্থাৰ আন্তঃগাঁথনি শক্তিশালী কৰাৰ বাবেও পদক্ষেপ গ্ৰহণ কৰাৰ কথা জানিবলৈ দিয়ে।

সভাত সহকাৰী শ্ৰম আয়ুক্ত ৰূপালী পেগু, মহকুমা কল্যাণ বিষয়া কাৰ্যালয়ৰ গবেষণা সহায়ক ভাস্কৰ বৰা, বৰজুলি শ্ৰমিক কল্যাণ কেন্দ্ৰৰ শ্ৰম কল্যাণ বিষয়া ৰোহিত নায়ক, চাহ জনজাতি হিতাধীকাৰি বাচনি সমিতিৰ সদস্য বুনেশ্বৰ তাতী,মুকুল তাঁতী,ৰূপম তাতী আৰু বহু গন্য মান্য বেক্তি অংশগ্ৰহণ কৰে।

spot_img

Related News @ Articles

LEAVE A REPLY

Please enter your comment!
Please enter your name here

spot_img

Stay Connected

21,981FansLike
2,956FollowersFollow
287SubscribersSubscribe
spot_img
- Advertisement -spot_img

Latest Articles & News

spot_img
Facebook
error: Content is protected !!