প্ৰতিভাবান যুৱক চন্দ্ৰমনি গগৈলৈ ইত্যাদিৰ “যুৱ প্ৰতিভা বঁটা”

শ্ৰীমন্ত শংকৰদেৱ কলাক্ষেত্ৰৰ মাধৱদেৱ আন্তৰ্জাতিক প্ৰেক্ষাগৃহত আজি ইত্যাদি উত্তৰ-পূৰ্বাঞ্চল সাংস্কৃতিক মঞ্চৰ তৃতীয় বাৰ্ষিক প্ৰতিষ্ঠা দিৱস উপলক্ষে আয়োজন কৰা নাট্য সন্ধ্যাৰ আৰম্ভনিতে শিৱসাগৰৰ চন্দ্ৰমনি গগৈক ইত্যাদি মঞ্চই প্ৰদান কৰে “যুৱ প্ৰতিভা বঁটা-২০২৪”। চন্দ্ৰমনি গগৈ একেধাৰে এজন প্ৰতিভাবান যুৱভাৱৰীয়া, নাট্যকাৰ, শিক্ষক,সংস্কৃতিৰ গৱেষক ছাত্ৰ।

শ্ৰীমন্ত শংকৰদেৱ কলাক্ষেত্ৰ সমাজৰ সচিৱ সুদৰ্শন ঠাকুৰ,নেমকেয়াৰ বাৰ্ন ফাউণ্ডেচনৰ অধ্যক্ষ ড০ ভূপেন্দ্ৰ প্ৰসাদ শৰ্মা, ভাওনা ৰত্ন প্ৰভাত চন্দ্ৰ বুঢ়া ভকত, শিলচৰৰ বিশিষ্ট নাট্যকাৰ ড০ ইন্দ্ৰনীল দে, বিশিষ্ট কবি দেৱপ্ৰসাদ তালুকদাৰ, সমাজ কৰ্মী ৰাকেশ শৰ্মা বৰদলৈ ,বিশিষ্ট উদ্যোগপতি ৰাম নাথ তাঁতী.ত্ৰিপুৰাৰ অৱসৰপ্ৰাপ্ত অধীক্ষক অভিযন্তা চপন কুমাৰ দে, অৱসৰপ্ৰাপ্ত প্ৰধান শিক্ষয়িত্ৰী গোপা দে আদি আমন্ত্ৰিত গণ্যমান্য ব্যক্তিসকলৰ উপস্থিতিত এক গাম্ভীৰ্যপূৰ্ণ পৰিবেশত এই বঁটা প্ৰদান কৰে শিক্ষাবিদ কমল জ্যোতি গগৈ আৰু ইত্যাদি মঞ্চৰ সভাপতি ড০ শিখা বেজবৰুৱা গোস্বামীয়ে। এই বঁটাত থাকে মানপত্ৰ,স্মাৰক,গামোচা,অংগবস্ত্ৰ আৰু নগদ ধনৰ মাননী।