ভেলাখামাৰৰ ধৰ্মপ্ৰাণা মহিলা মোহিনী বালা শৰ্মাৰ পৰলোক

♦কন্দৰ্প কুমাৰ দেৱ নাথ, কৃষ্ণাইঃ গোৱালপাৰা জিলাৰ কৃষ্ণাইৰ কাষৰীয়া ভেলাখামাৰ গাৱঁৰ ধৰ্মপ্ৰাণা মহিলা মোহিনী বালা শৰ্মাৰ যোৱা নিশা দেহাৱসান ঘটে৷ ভেলাখামাৰ ছোৱালী মজলীয়া বিদ্যালয়ৰ পৰা প্ৰধান শিক্ষক ৰূপে অবসৰ গ্ৰহণ কৰা প্ৰয়াত ৰৱীন্দ্ৰ নাৰায়ণ দেৱ শৰ্মাৰ সহধৰ্মিনী মোহিনী বালা শৰ্মাৰ মৃত্যুত অঞ্চলটোত শোঁকৰ ছাঁ পৰে৷ উল্লেখ যোগ্য যে বিগত প্ৰায় এবছৰে বাৰ্ধ্যকজনিত ৰোগত শয্যাশায়ী হৈ থকা বয়োজ্যেষ্ঠা মহিলা গৰাকীয়ে যোৱা নিশা প্ৰায় ২ বজাত শেষ নিশ্বাস ত্যাগ কৰে৷ মৃত্যুৰ সময়ত মহিলা গৰাকীৰ বয়স আছিল ৯৭ বছৰ৷ মৃত্যুৰ সময়ত প্ৰয়াত মোহিনী বালা শৰ্মাই চাৰি পুত্ৰ, দুই কন্যা,বোৱাৰীসহ ভালে কেইগৰাকী নাতি-নাতিনী, আত্মীয় কুটুম্ব ইহ সংসাৰত এৰি থৈ যায়৷ আজি দুপৰীয়া বৃদ্ধা গৰাকীৰ শেষকৃত্য সম্পন্ন কৰা হয়৷