◊মনীষা শৰ্মাঃ মহাপুৰুষ হৰিদেৱ দেৱৰ শিষ্য আচাৰ্য নাৰায়নদেৱৰ তিৰোভাৱ তিথি উপলক্ষে বৰপেটা জিলাৰ গণকপাৰা গাওঁত অৱস্হিত শ্ৰী শ্ৰী পীড়লা সত্ৰত ২১ ফেব্ৰুৱাৰীত নাম প্ৰসঙ্গ অনুস্থান উদযাপন কৰা হয়৷ বহৰি আৰু বামপাৰা গাওঁৰ প্ৰায় ১০০ জন ভকত আৰু নামতিয়ে উক্ত অনুস্থানত উপস্থিত থাকে৷ 
উল্লেখযোগ্য যে অনুস্থানটোত প্ৰতিনিধিত্ব কৰে শ্ৰী শ্ৰী পীড়লা সত্ৰৰ সম্পাদক মুন শৰ্মাই৷ বঙাইগাঁওৰ ছিৱনচিলা সত্ৰৰ পৰাও এটা দল উক্ত অনুষ্ঠানটোত যোগদান কৰে৷ পীড়লা সত্ৰৰ সত্ৰাধিকাৰ দ্বীপেন্দ্ৰনাথ গোস্বামী আৰু ডেকা সত্ৰাধিকাৰ গুনজিৎ গোস্বামীও উক্ত অনুষ্ঠানটোত উপস্থিত থাকে৷ সত্ৰত নাম প্ৰসঙ্গ শেষ কৰি পীড়লা সত্ৰৰ নিলগত থকা বামপাৰা বাসুদেৱ মন্দিৰত সকলোৱে ভোজভাত গ্ৰহণ কৰে বুলি উদ্যোক্তাসকলে জনিবলৈ দিয়ে।
