বিশ্বনাথৰ তিনিচুকীয়াত আছাৰ প্ৰাথমিক গোট গঠনৰ সভা

বিশ্বনাথৰ পৰা ৰমেশ চন্দ্ৰ চৰেণঃ বিশ্বনাথৰ তিনিচুকীয়াত সদৌ অসম আদিবাসী ছাত্ৰ সন্থাৰ প্ৰাথমিক গোট গঠনৰ সভাখন অনুষ্ঠিত হয়৷ বৰপথাৰ আঞ্চলিক সমিতিৰ সভাপতি চামুৱেল বাৰ্লাৰ সভাপতিত্বত আৰু লুইচ বুড়ৰ উদ্দেশ্য বাখ্যাৰে সভাত সাংগাঠনিক, শৈক্ষিক দিশৰ উপৰিও আদিবাসী ৰাইজৰ বিভিন্ন সমস্যাদি তথা অভাৱ অভিযোগ সন্দৰ্ভত আলোকপাত কৰাৰ লগতে ১৯ তম আদিবাসী মহাসভা সম্পৰ্কত আলোচনা কৰা হয়৷

উক্ত সভাতে কাৰলিনা জাতাৰমাক সভানেত্ৰী আৰু লুইচ বুঢ়ক সম্পাদকৰ দায়িত্ব অৰ্পণ কৰা ৩১ জনীয়া আছাৰ তিনিচুকীয়া প্ৰাথমিক গোটটি গঠন কৰা হয়৷ সভাত বিশ্বনাথ জিলা আদিবাসী ছাত্ৰ সন্থাৰ শিক্ষা সম্পাদক আশীষ তপ্প, বৰপথাৰ আঞ্চলিকৰ সম্পাদক অৰুণ বাৰাইক, প্ৰচাৰ সম্পাদক এন্থনী ধানোৱাৰকে ধৰি বহু কেইগৰাকী বিষয়ববীয়া উপস্থিত থাকে৷