অসমৰ ‘চাহ জনগোষ্ঠী জলহা সাহিত্য সভাৰ সাধাৰণ সভা সম্পন্ন

অসমৰ ‘চাহ জনগোষ্ঠী জলহা সাহিত্য সভাৰ সাধাৰণ সভা সম্পন্ন

বিশ্বনাথ চাৰিআলি শাখা সাহিত্য সভাৰ সভাকক্ষত চাহ জনগোষ্ঠী জলহা সাহিত্য সভাৰ সভাপতি গোলাম ৰচুল আলী জলহাৰ সভাপতিত্বত আৰু
প্ৰধান সম্পাদক ৰিয়াজ আহমেদে আঁত ধৰা সভাত
কথাছবি পৰিচালক জেষ্ঠ শিল্পী মুৰ্তুজা আলী চেখ , বিশিষ্ট কন্ঠশিল্পী হামিদা খাতুন, সমাজকৰ্মী আকবৰ আলী চেখকে ধৰি কেইবা গৰাকী বিশিষ্ট ব্যক্তি তথা ছাত্র-ছাত্ৰী সকলক সম্বৰ্ধনা জনোৱা হয়। উক্ত সভাতেই চাহ জনগোষ্ঠী জলহা সাহিত্য সভাই পৰৱৰ্তী কাৰ্যকালৰ বাবে পুনৰ গোলাম ৰছুল আলী জলহাক সভাপতি আৰু ৰিয়াল আলীক প্ৰধান সম্পাদক হিচাবে নিৰ্বাচিত কৰে ৷তৎপশ্চাৎ সাংগাঠনিক দিশৰ ওপৰত পৰ্যালোচনা কৰাৰ লগতে ২০২৪ বৰ্ষৰ ১৭ জানুৱাৰীত চাহ জনগোষ্ঠী জলহা সাহিত্য সভাৰ প্ৰতিষ্ঠা দিৱস উদযাপন কৰা আৰু চাহ জনগোষ্ঠী জলহা সম্পৰ্কীয় ঐতিহাসিক গ্ৰন্থ প্ৰকাশ কৰাৰ প্ৰস্তাৱ গ্ৰহন কৰাৰ উপৰিও সাংস্কৃতিক প্ৰকল্প নিৰ্মাণৰ বাবেও প্ৰস্তাৱ গ্ৰহন কৰে সভাখনে ৷
সভাত বিশ্বনাথ প্ৰেছ ক্লাৱৰ উপদেষ্টা দ্বয় ক্ৰমে নিৰঞ্জন হাজৰিকা আৰু বসন্ত বৰা , বিশ্বনাথ প্ৰেছ ক্লাৱৰ সভাপতি পুলক হাজৰিকা, সম্পাদক
আমিৰ খান আৰু সাংবাদিক বিনীত ঝাৰ উপৰিও জলহা সমাজৰ বিভিন্ন জিলাৰ পৰা অহা প্ৰতিনিধি সকলে অংশগ্ৰহণ কৰে ৷ সভাৰ শেষত শলাগৰ শৰাই আগবঢ়াই প্ৰধান সম্পাদক ৰিয়াজ আহমেদে ৷

বিশ্বনাথৰ পৰা ৰমেশ চন্দ্ৰ চৰেণ
অসম খবৰ
১আগষ্ট