নলবাৰী বালিকৰিয়া বাসুদেৱ দেৱালয় প্ৰাংগনত শ্ৰদ্ধাঞ্জলি অনুষ্ঠান আৰু স্মৃতিচাৰণ সভা

নলবাৰী: ফইজুল হক চৌধুৰী,৬ আগষ্ট:

নলবাৰী জিলাৰ বালিকৰিয়া বাসুদেৱ দেৱালয় প্ৰাংগনত আবেলি শ্ৰদ্ধাঞ্জলি অনুষ্ঠান আৰু স্মৃতিচাৰণ সভা অনুষ্ঠিত কৰা হয় । শ্ৰী শ্ৰী বাসুদেৱ দেৱালয় পৰিচালনা সমিতিৰ উদ্যোগত আৰু বালিকৰিয়া ৰাইজৰ সহযোগত অনুষ্ঠিত কৰা হয় শ্ৰদ্ধাঞ্জলি অনুষ্ঠান আৰু স্মৃতিচাৰণ সভা । বিগত ২৬ জুলাই তাৰিখে শ্ৰী শ্ৰী বাসুদেৱ দেৱালয় পৰিচালনা সমিতিৰ প্ৰাক্তন সাধাৰণ সম্পাদক তথা বিশিষ্ট সমাজকৰ্মী অনন্ত বল্লভ শৰ্মাৰ দেহৱসান ঘটে । সেইমৰ্মে আজি আবলি বিদেহী আত্মাৰ চিৰ শান্তিৰ বাবে শ্ৰী শ্ৰী বালিকৰিয়া বাসুদেৱ দেৱালয়ৰ প্ৰাংগনত বাসুদেৱ দেৱালয় পৰিচালনা সমিতিৰ প্ৰাক্তন সাধাৰণ সম্পাদক তথা বিশিষ্ট সমাজকৰ্মী অনন্ত বল্লভ শৰ্মাৰ শ্ৰদ্ধাঞ্জলি অনুষ্ঠান আৰু স্মৃতিচাৰণ সভা অনুষ্ঠিত কৰা হয় । কাৰ্যসূচী অনুষ্ঠিত বিয়লি ভাগত প্ৰয়াত অনন্ত বল্লভ শৰ্মাৰ পৰিয়ালবৰ্গৰ দ্বাৰা তেখেতৰ প্ৰতিচ্ছবিত বন্তি প্ৰজ্বলন আৰু মাল্যাৰ্পন কৰা হয় । তদুপৰি এই কাৰ্যসূচীৰ পিছতে গীতা পাঠ আৰু বৰগীত পৰিৱেশন কৰা হয় । আনহাতে আবেলি স্মৃতিচাৰণ সভাৰ লগতে সন্ধিয়া নাম-প্ৰসংগৰ কাৰ্যসূচী ৰূপায়ন কৰা হয় । আজিৰ এই কাৰ্যসূচীত শ্ৰী শ্ৰী বাসুদেৱ দেৱালয় পৰিচালনা সমিতিৰ কাৰ্যকৰী সভাপতি দীপক চৌধুৰী,সাধাৰণ সম্পাদক হৰিহৰ শৰ্মা সহ ভালে কেইগৰাকী বিশিষ্ট অতিথিৰ লগতে স্থানীয় ৰাইজ উপস্থিত থাকে।