বিশ্বনাথৰ চেলাইখাতিত কাৰ্বি সাহিত্য সভাৰ শাখা কমিটি গঠনৰ সভা সম্পন্ন

বিশ্বনাথৰ চেলাইখাতিত কাৰ্বি সাহিত্য সভাৰ শাখা কমিটি গঠনৰ সভা সম্পন্ন

অসম খবৰ , বিশ্বনাথৰ পৰা ৰমেশ চন্দ্ৰ চৰেণ’ৰ ৰিপৰ্ট , ৮ জানুৱাৰী ঃ বিশ্বনাথ জিলাৰ অধীনস্ত অসম অৰুণাচল সীমান্তৱৰ্তীৰ চেলাইখাতিত কাৰ্বি সাহিত্য সভাৰ শাখা সমিতি গঠনৰ সভাখন কালি সুকলমে অনুষ্ঠিত হৈ যায় ৷প্ৰধান শিক্ষক তথা বিশিষ্ট সমাজকৰ্মী মহিৰাম ৰংহাঙৰ সভাপতিত্বত অনুষ্ঠিত হোৱা সভাখনৰ আত ধৰে বিশ্বনাথ জিলা কাৰ্বি সাহিত্য সভাৰ সম্পাদক ৰমেশ ক্ৰো’য়ে ৷

সভাত কাৰ্বি সকলৰ কলা , কৃষ্টি সংস্কৃতিৰ ওপৰত বিশদভাৱে আলোচনা কৰাৰ উপৰিও সাংগঠনিক দিশৰ ওপৰতো আলোকপাত কৰা হয় ৷

গাম্ভীৰ্যপূৰ্ণ ভাবে অনুষ্ঠিত হোৱা সভাত সাহিত্য সভাৰ কেইবালানি গুৰুত্বপুৰ্ণ প্ৰস্তাৱ গ্ৰহন কৰে ৷ সভাত সাংগাঠনিক দিশৰ প্ৰতি লক্ষ্য ৰাখি শেহতীয়াকৈ কাৰ্বি সাহিত্য সভাৰ কেন্দ্ৰীয় সমিতিৰ নিৰ্দেশ অনুসৰি কাৰ্বি অধ্যুষিত এলেকা বিশেষে শাখা সমিতি সমুহ গঠনৰ প্ৰস্তাৱ গ্ৰহন কৰিছে ৷

সেই মৰ্মে আজিৰ সভাত অসম অৰুণাচল সীমান্তৱৰ্তীৰ বৃহত্তৰ চেলাইখাতিক সামৰি কাৰ্বি সাহিত্য সভাৰ “চেলাইখাতি শাখা সমিতি” খন গঠন কৰা হয় ৷ ৩১ জনীয়া সদস্য , সদস্যাভুক্তিৰে পুৰ্ণ পৰ্যায়ৰ সমিতিখনত সভাপতি হিচাবে দিনেশ ৰংহাঙক নিৰ্বাচিত কৰাৰ বিপৰীতে সম্পাদকৰ পদত চেনীৰাম বে’ক মনোনিত কৰা হয় ৷ সভাখনত কাৰ্বি সাহিত্য সভাৰ বিষয়ববীয়াৰ লগতে কেইবাগৰাকী বিশিষ্ট ব্যক্তিয়ে বক্তব্য ৰাখে ৷