অসম খবৰ ২০ অক্টোবৰ :
ধনৰ অধিষ্ঠাত্ৰী দেৱী শ্ৰীশ্ৰী লক্ষ্মী পূজা নাৰায়ণপুৰ-বিহপুৰীয়া অঞ্চলৰ গাঁৱে-গাঁৱে আয়োজন কৰা বাতৰি পোৱা গৈছে । অঞ্চলটোৰ শিমলুগুৰী, বালিপথাৰ, নাৰায়ণপুৰ, বিহপুৰীয়া , ধলপুৰ, পথালিপাহাৰ, বৰবালি, ভোলাবৰিকে ধৰি বহু ঠাইত অতি উলহ-মালহেৰে লক্ষ্মী পূজা উদযাপন কৰিছে ।
বহুঠাইত ৰাতিলৈ সাংস্কৃতিক কায্যসূচীও আয়োজন কৰিছে ।
পূজাথলী সমূহত পুৱাৰে পৰা ভক্ত সকলৰ লানি নিছিগা ভিৰ দেখাপোৱা গৈছে ।
লক্ষ্মী পূজাৰ উপলক্ষে পূজা থলী সমূহত মহিলা সকলে দিহা নাম , নেগেৰা নাম , আই নাম আৰু গীত নৃতৰে এক উৎসৱ মুখৰ পৰিৱেশে বিৰাজ কৰিছে । অন্য পূজা থলী সমূহৰ লগতে ভোলাবৰিটো লক্ষ্মী পূজাৰ অনুষ্ঠিত্ব কৰিছে । ইয়াৰ উপলক্ষে আয়োজন কৰা সাংস্কৃতিক অনুষ্ঠানত গীত-মাত, নৃত্যকে ধৰি বিভিন্ন সাংস্কৃতিক অনুষ্ঠান পৰিবেশন কৰে । ভোলাবৰিৰ যুৱক সংঘই আয়োজন কৰা লক্ষ্মী পুজাত এইবাৰ ব্যক্তিক্ৰম ধৰ্মী ৰূপত দেখা গ’ল লক্ষ্মী দেৱীক । সম্পুৰ্ণ অসমীয়া গহণা আৰু সাজ-পাৰে পৰিধান কৰালে লক্ষ্মী দেৱীক ।
