গোলাঘাটৰ পুষ্পবিলাস ক্ষেত্ৰত অনুষ্ঠিত প্ৰথম বাৰ্ষিক সংকল্পিত ভাওনা সমাৰোহৰ মুখপত্ৰ ‘অগ্নিগড়’ শনিবাৰে আনুষ্ঠানিকভাৱে উন্মোচন কৰা হয়। লেখিকা-সমাজসেৱিকা টুটুমণি দত্তৰ সম্পাদনা কৰা আলোচনীখন উন্মোচন কৰে সংকল্পিত ভাওনা সমাৰোহৰ কাৰ্যকৰী সভাপতি অতুল চন্দ্ৰ হাজৰিকাই। মুখপত্ৰ উন্মোচন কৰি দিয়া ভাষণত হাজৰিকাই এনেধৰণৰ উন্নত লেখা সমৃদ্ধ মুখপত্ৰ সম্পাদনা কৰাৰ বাবে টুটুমণি দত্তক ভৃয়সী প্ৰশংসা কৰে।
অনুষ্ঠানত আয়োজক সমিতিৰ উপ-সভাপতি নিৰ্মল দত্ত, জ্যেষ্ঠ সাংবাদিক- লেখক মৰম কুমাৰ, সাংস্কৃতিক সম্পাদক দীপক কুমাৰ দত্তকে ধৰি ভালেসংখ্যক গণ্য মান্য ব্যক্তি উপস্থিত থাকে। মুখ্যমন্ত্ৰী ড° হিমন্ত বিশ্ব শৰ্মাৰ শুভেচ্ছাবাণীসমৃদ্ধ মুখপত্ৰখনত ড° পবিত্ৰ গগৈ, ৰমেন দাস, ড° নীলিমা গোস্বামী শৰ্মা, ড° ডালিমী কোঁৱৰ, প্ৰদীপ কুমাৰ বৰ্মনকে ধৰি ভালেসংখ্যক ব্যক্তিৰ লেখা প্ৰকাশ পাইছে।
Leave a Reply