উৎসৱৰ বতৰত ভ্ৰমণকাৰীসকলৰ বাবে ভাল খবৰ: সমগ্ৰ দেশত ১,৭০০ খন বিশেষ ৰে’ল চলাচলৰ ব্যৱস্থা ভাৰতীয় ৰে’ল বিভাগৰ

উৎসৱৰ বতৰত ভ্ৰমণকাৰীসকলৰ বাবে ভাল খবৰ: সমগ্ৰ দেশত ১,৭০০ খন বিশেষ ৰে’ল চলাচলৰ ব্যৱস্থা ভাৰতীয় ৰে’ল বিভাগৰ।

ভাৰতীয় ৰে’লসেৱা বিভাগে উৎসৱৰ বতৰত ৰেলযাত্ৰীক সেৱা প্ৰদানৰ বাবে যাত্ৰীসকলৰ বাবে সৰ্বাধিক আৰামদায়ক ৰে’ল যাত্ৰা নিশ্চিত কৰাৰ বাবে কেইবাটাও পদক্ষেপ গ্ৰহণ কৰিছে।
উত্তৰ-পূব সীমান্ত ৰে’লৱেৰ চিপিআৰঅ’ সবিয়াসাচী দে প্ৰকাশ কৰা মতে সমগ্ৰ ভাৰতত প্ৰায় ১,৭০০ খন বিশেষ ৰে’ল চলোৱা হৈছে। মুখ্য গন্তব্যস্থানসমূহক সংযোগ কৰা নিয়মীয়া ৰে’লযাত্ৰীসকলৰ অসুবিধা দূৰ কৰিবলৈ আগৰতলাৰ পৰা গুৱাহাটী, কলকাতা, চেকেন্দ্ৰাবাদ, ৰাণী কমলাপতি আদিলৈ বিশেষ ৰে’ল চলি আছে; ধুবুৰীৰ পৰা নিউ তিনিচুকীয়ালৈ; ডিব্ৰুগড়ৰ পৰা চেকেন্দ্ৰাবাদ, গোৰখপুৰ; নিউ জলপাইগুৰিৰ পৰা অমৃতসৰ, শিয়ালদাহ, হাওৰা; কাটিহাৰৰ পৰা ৰাঁচী, মুম্বাই, অমৃতসৰ; নাহৰলাগুনৰ পৰা ওখা, শিলচৰ; পূৰ্ণেয়াৰ পৰা আনন্দ বিহাৰ টাৰ্মিনাছলৈ; আৰু গুৱাহাটীৰ পৰা কলকাতা, ৰাঁচী, উদয়পুৰ, সন্তগাছি ইত্যাদিলৈ।