দেশত কোভিড-১৯ত আক্ৰন্ত সংখ্য ৭,১৭১লৈ বৃদ্ধি

♦সমগ্ৰ দেশত যোৱা ২৪ ঘণ্টাত মুঠ ৭,১৭১ টা নতুনকৈ কোভিড-১৯ত আক্ৰন্ত হোৱাৰ খবৰ পোৱা গৈছে। কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা মতে, একে সময়তে কোভিড-১৯ৰ পৰা মুঠ ৯,৬৬৯ জন লোক আৰোগ্য হৈছে।

মন্ত্ৰালয়ে কৈছে যে, দেশত ৫১,৩১৪টা সক্ৰিয় কোভিড-১৯ত আক্ৰন্ত ৰোগী আছে। সেই অনুপাতে কোৱিডৰ পৰা আৰোগ্যৰ হাৰ বৰ্তমান ৯৮.৭০ শতাংশ। বৰ্তমানলৈকে সমগ্ৰ দেশজুৰি ২২০ কোটি ৬৬ লাখৰো অধিক পালি কোভিডৰ প্ৰতিষেধক প্ৰদান কৰা হৈছে।