ৰঙাপৰাৰ বি এছ এন এল কাৰ্যালয়ত চুৰি কাণ্ড

◆ প্ৰতিবেদক,ৰঙাপৰা- ভাৰত সঞ্চাৰ নিগম লিমিটেডৰ ৰঙাপৰাৰ কাৰ্যালয়ত চুৰি কাণ্ড। ৰঙাপৰাৰ ১ নং ৱাৰ্ডস্থিত বি এছ এন এল কাৰ্যালয়ৰ তলা ভাঙি ২৪ টাকৈ কাৰ্য্যক্ষম বেটেৰী নিশা চোৰে চুৰি কৰি লৈ যায়।

 

বেটেৰী কেইটা কাৰ্যালয়ৰ এটা কোঠাত চলিত অৱস্থাত আছিল। বেটেৰী কেইটাৰ মূল্য প্ৰায় আঢ়ৈ লাখ টকা হব বুলি কনিষ্ঠ অভিযন্তা চুলতান আহমেদে সদৰী কৰে।

ঘটনাৰ সন্দৰ্ভত ৰঙাপৰাৰ বি এছ এন এল কাৰ্যালয়ৰ কৰ্তৃপক্ষই ৰঙাপৰা আৰক্ষী থানাক অৱগত কৰিছে। ইফালে ৰঙাপৰা বি এছ এন এল কাৰ্যালয়ৰ চুৰি কাণ্ডৰ বুজ লবলৈ শোণিতপুৰ জিলা প্ৰৱন্ধক (কাৰিকৰী বিভাগ) মৌচুমী কৰ উপস্থিত হয়।

উল্লেখ্য যে নিশা বেটেৰী কেইটা চোৰে চুৰি কৰি নিয়াৰ সময়ত মূল গেটখন খোলাৰ বিপৰীতে পকীবেৰ বগাই বেটেৰী কেইটা চুৰি কৰি লৈ যোৱাৰ সন্দেহ প্ৰকাশ কৰিছে। ইয়াৰ পূৰ্বেও চৰকাৰী কাৰ্যালয়টি চুৰি কাণ্ড সংঘটিত হৈছিল।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.