গোৱালপাৰাৰ অসম-মেঘালয় সীমান্তত দুই অপহৰণ কাৰীক গ্ৰেপ্তাৰ

♦ কৃষ্ণাইৰ পৰা কন্দৰ্প কুমাৰ দেৱ নাথঃ গোৱালপাৰা জিলৰ কুকুৰকাটা আৰক্ষী চকীৰ অন্তৰ্গত কাছুমাৰীত ২৩ ফেব্ৰুৱাৰীত সংঘটিত ব্যৱসায়ী অপহৰণৰ ঘটনাত জৰিত দুই অপহৰণ কাৰীক আৰক্ষীয়ে গ্ৰেপ্তাৰ কৰিবলৈ সক্ষম হৈছে৷ ধৃত অপহৰণকাৰী দুজনৰ নাম মুন্না মাৰাক আৰু কাচিম আলী বুলি আৰক্ষী সূত্ৰত প্ৰকাশ৷ জানিব পৰা মতে ধৃত লোক দুজনে বিগত ২৩ ফেব্ৰুৱাৰীত কৃষ্ণাইৰ ব্যৱসায়ী নিৰঞ্জন সাহাক নাবাং বজাৰৰ সমীপৰ পৰা অপহৰণ কৰি নিছিল৷ পৰৱৰ্তী সময়ত আৰক্ষীয়ে নিৰঞ্জন সাহাক উদ্ধাৰ কৰিবলৈ সক্ষম হয় যদিও অপহৰণ কাৰীৰ সন্ধান লাভ কৰা নাছিল৷ যাৰ পৰিপ্ৰেক্ষিতত আৰক্ষীয়ে অপহৰণকাৰীৰ সন্ধানত তীব্ৰতৰ অভিযান আৰম্ভ কৰে৷ অৱশেষত অসম-মেঘালয় সীমান্তৱৰ্তী অঞ্চলত তীব্ৰ অভিযান চলাই আৰক্ষীয়ে মুন্না মাৰাক আৰু কাচিম আলী নামৰ দুই অপহৰণ কাৰীক গ্ৰেপ্তাৰ কৰিবলৈ সক্ষম হয়৷ ইতিমধ্যে ধৃত অপহৰণকাৰী দুজনক জেল হাজোতলৈ প্ৰেৰণ কৰা হৈছে৷ আৰক্ষীয়ে জানিবলৈ দিয়া মতে মুন্না মাৰাকৰ ঘৰ মাদাপাৰাত আৰু কাচিম আলীৰ ঘৰ ছয়গাৱঁত৷ ধৃত লোক দুজন কেইবাটাও অপহৰণৰ ঘটনাত জৰিত থকাৰ দাবী কৰিছে আৰক্ষীয়ে৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে৷

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.