হিন্দী চলচ্চিত্ৰ জগতৰ প্ৰখ্যাত অভিনেত্রী কামিনী কৌশলৰ বৃহস্পতিবাৰে নিশা মুম্বাইৰ নিজ বাসভৱনত ৯৮ বছৰ বয়সত মৃত্যু হয়। ১৯৪৬ চনত নিচা নগৰ বোলছবিত কৰা অভিনয়েৰে চলচ্চিত্ৰ জগতত প্ৰবেশ কৰা কামিনী কৌশলে সাত দশকৰো অধিক কালজুৰি দৰ্শকৰ মন জয় কৰিবলৈ সমৰ্থ হৈছিল।
দিলীপ কুমাৰ, দেৱানন্দ আৰু ৰাজ কাপুৰকে আদি কৰি হিন্দী চলচ্চিত্ৰ জগতৰ বহুতো জনপ্রিয় অভিনেতাৰ সৈতে কাম কৰি হিন্দী চলচ্চিত্ৰৰ সোণালী যুগৰ এগৰাকী জনপ্ৰিয় অভিনেত্ৰী হিচাপে খ্যাতি লাভ কৰিছিল।
২০২২ চনত ৯৫ বছৰ বয়সত আমিৰ খানৰ লাল সিং চাদ্দা নামৰ বোলছবিখনত অভিনয় কৰিছিল। অভিনেত্ৰীগৰাকীৰ মৃত্যুত হিন্দী ছবিজগতত শোকৰ ছাঁ পৰিছে।
