শিৱসাগৰত দৰিকা দলঙৰ দুই মূৰৰ কামত ব্যাপক অনিয়ম

♦বহু প্ৰতীক্ষাৰ অন্তত শিৱসাগৰ জিলাৰ হাঁহচৰা আৰু ডিমুৱালৰ মাজত দৰিকা নৈৰ ওপৰত এখন পকী দলং নিৰ্মাণৰ কাম সম্পূৰ্ণ হ’ল যদিও পূৰ্ণ নহ’ল দুই মূৰৰ মাটিৰ কাম৷ প্ৰায় দুই কোটি পাঁচ লাখ টকাৰে নিৰ্মাণ কৰা এই দৰিকা দলংখনৰ দুইমূৰৰ আধাৰুৱা কামে ৰাইজক এতিয়া চিন্তিত কৰি তুলিছে৷ ইতিমধ্যে পকীৰ কাম সম্পূৰ্ণ হোৱা দলঙখনৰ দুইমূৰত দেখা গৈছে বৃহৎ ফাঁট৷ উল্লেখনীয় যে এই পথচোৱাৰ নাতিদূৰৈত ডিমুৱাল বিদ্যাভৱন অৱস্থিত আৰু বৰষুণ দিলে পথচোৱাইদি চাইকেল নতুবা আন বাহন তথা স্কুল-কলেজৰ ছাত্ৰ-ছাত্ৰীৰ বাবে অতি বিপদজনক হৈ পৰে৷ জনসাধাৰণক সম্ভাব্য সমস্যাৰ পৰা পৰিত্ৰাণ দিবলৈ সচেতন ৰাইজে জিলা উপায়ুক্তৰ হস্তক্ষেপৰ আহ্বান জনাইছে৷

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.