নলবাৰীত গ্ৰাম্য আত্মনিৰ্ভৰশীল কেন্দ্ৰৰ দ্বাৰা শিক্ষকক সম্বৰ্ধনা

ন

■ ৰাজ্যৰ আন আন জিলাৰ লগতে নলবাৰী জিলাতো আজি বিভিন্ন স্হানত শিক্ষক দিৱস পালন কৰা হয়৷ জিলা খনৰ গ্ৰাম্য আত্মনিৰ্ভৰশীল কেন্দ্ৰ অসম(GAKA)ৰ দ্বাৰা আজি বৃহত্তৰ পশ্চিম নলবাৰীতো শিক্ষক দিৱস পালন কৰা হয়৷

শিক্ষক দিৱস উপলক্ষে আজি অনুষ্ঠানটোৱে নলবাৰী জিলাৰ পশ্চিম নলবাৰীৰ ৪ গৰাকীকৈ শিক্ষকক সম্বৰ্ধনা জনায়৷

বৃহত্তৰ পশ্চিম নলবাৰীৰ অবসৰপ্ৰাপ্ত শিক্ষক পূৱ পাকা বড়ো মধ্য ইংৰাজী বিদ্যালয়ৰ বৰীৰ ৰামেশ্বৰ বড়ো, গোৱালপাৰা হাইস্কুলৰ অৱসৰপ্ৰাপ্ত প্ৰধান শিক্ষক বলোৱাৰ অনন্ত ভৰালী, ১ নং বেলশৰ প্ৰাথমিক বিদ্যালয়ৰ অৱসৰপ্ৰাপ্ত শিক্ষক বেলশৰৰ হৰিদাস মজুমদাৰ লগতে পশ্চিম চামতা হাইস্কুলৰ বৰ্তমানৰ প্ৰধান শিক্ষক ভগৱান বৰ্মনক একোখনকৈ গামোচাৰ লগতে শৰাই আৰু একোখন মানপত্ৰৰে সম্বৰ্দ্ধনা জনায়৷