গোৱালপাৰাৰ অসম-মেঘালয় সীমান্তবৰ্তী কুকুৰকাটাৰ টিকলিপাৰাবাসীৰ দুৰ্ভোগঃপৰিবৰ্তনৰ বতাহে আজিও স্পৰ্শ নকৰিলে বৃহত্তৰ অঞ্চলটোত

♦কৃষ্ণাইৰ পৰা কন্দৰ্প কুমাৰ দেৱ নাথঃ বিকাশ আৰু উন্নয়নে স্পৰ্শ নকৰা গোৱালপাৰা জিলাৰ অসম-মেঘালয় সীমান্তৱৰ্তী এটি বৃহৎ অঞ্চল কুকুৰকাটাৰ টিকলিপাৰা৷ আচৰিত কথা এয়ে যে এই অঞ্চলৰ একমাত্ৰ পথটো খৰালি সময়তো থাকে পানীৰ তলত৷ বৃহত্তৰ অঞ্চলটোৰ এই পথটোৰে প্ৰায় দহ খন গাৱঁৰ ৰাইজে  নিতৌৌ আহ যাহ কৰে৷ খৰালি কালতো একাঠু পানীৰ তলত থকা পথটো বাৰিষাত হয় অতি ভয়ংকৰ৷ কিয়নো বাৰিষা এবুকু-এককাল পানী অতিক্ৰম কৰি ওলাই আহিব লাগে অঞ্চলবাসী৷ বিকল্প কোনো পথ নথকাত বিদ্যালয়ৰ ছাত্ৰ-ছাত্ৰী সকলোৱে এই পথৰে যাতায়াত কৰে শিক্ষাগ্ৰহণৰ বাবে৷ গোৱালপাৰা পূৱ বিধানসভা সমষ্টিৰ অন্তৰ্গত টিকিলি পাৰা,গাৰোমাৰা,সৰগপাৰা আদিকে ধৰি এই অঞ্চলৰ গাওঁ কেইখনত  স্বাধীনতাৰ ৭৪ বছৰে কোনো এখন চৰকাৰৰ সুদৃষ্টি নপৰিল৷ বহু চৰকাৰ আহিল আৰু গ’ল৷ নিৰ্বাচনৰ সময়ত সকলোৱে এসোপামান প্ৰতিশ্ৰুতি দি যায় যদিও সময়ত সকলো অসাৰ প্ৰতিপন্ন হয়৷ শেহতীয়াকৈ সমষ্টিটোৰ কংগ্ৰেছী বিধায়ক গৰাকীয়ে বিগত নিৰ্বাচনৰ পূৰ্বে অঞ্চলটোলৈ আহিছিল যদিও তেতিয়াা দিয়া প্ৰতিশ্ৰুতি বোৰ তেনেকৈয়ে ৰ’ল ৷ পাঁঁচটা বছৰত এদিনৰ বাবেও পদধূলা নপৰিল কংগ্ৰেছী বিধায়ক এ কে ৰশিদ আলমৰ৷ যাৰ ফলত আজিও এনেকৈ দুৰ্বিসহ জীৱন পাৰ কৰিবলগীয়া হৈছে সীমান্তবাসী ৰাইজ৷ বিকাশ তথা পৰিবৰ্তনৰ বতাহজাকে কেতিয়াকৈ চুবলৈ পাব সীমান্তবাসীক ৷ এতিয়া সৰ্বত্ৰে চলিছে তাৰেই চৰ্চা ৷

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.