গোৰ্খা ভৱনৰ টকা আত্মসাৎ সচাকৈয়ে কৰিছিল নে ? গোৰ্খা নেতা দিলীপ গজুৰেলে । Video

গোৰ্খা ছাত্ৰ সন্থাৰ কেন্দ্ৰীয় সমিতিৰ উপ সভাপতি দিলীপ গজুৰেলে গোৰ্খা ভৱনৰ টকা আত্মসাৎ সচাকৈয়ে কৰিছিল নে ?

অসম খবৰ , বিশ্বনাথৰ পৰা ৰমেশ চন্দ্ৰ চৰেণ’ৰ ৰিপৰ্ট , ২৬ ডিচেম্বৰ :

বিশ্বনাথৰ বিহালীৰ কুঁহিয়াৰবাৰীত স্থাপন কৰা গোৰ্খা ভৱনটি নিৰ্মাণৰ কাম সদৌ অসম গোৰ্খা ছাত্ৰ সন্থাৰ কেন্দ্ৰীয় সমিতিৰ উপ সভাপতি দিলীপ গজুৰেলৰ দায়িত্বত আছিল ৷ এই ভৱনটি সম্পূৰ্ণ হৈ নুঠাত একাংশ লোকে টকা আত্মসাৎ কৰা বুলি এক ভিত্তিহীন বাতৰি প্ৰচাৰ কৰি জনমানসত হেয় প্ৰতিপন্ন কৰা বুলি দিলীপ গজুৰেলে সংবাদমেল যোগে জানিবলৈ দিয়ে ৷ ভৱনটি বনোৱাৰ দায়িত্ব লোৱাৰ সময়ৰ পৰাই কৰোণাই সংহাৰী ৰূপ ধাৰণ কৰাত কাম বন্ধ ৰাখিব লগা হয় ৷

আনহাতে নিৰ্মাণ কাৰ্যৰ ওপৰৰে বিদ্যুৎ পৰিবাহী তাৰ বিপদজনক হৈ আছিল ; এই বিষয়ে বিভাগীয় লোকক খবৰ দিয়া হৈছিল যদিও গুৰুত্ব দিয়া নাছিল আৰু ভৱন বনোৱা স্থানটি এখন পিটনি হোৱাত বাৰিষাৰ সময়ত নিৰ্মাণৰ কাৰ্য কৰাত যথেষ্ট অসুবিধাজনক হৈ আছিল বুলি উল্লেখ কৰে গজুৰেলে ৷ সেয়েহে কাম বন্ধ হৈ আছিল যদিও বৰ্তমান গোৰ্খা ভৱনটিৰ নিৰ্মাণৰ কাম পুৰ্ণ গতিত চলি আছে আৰু অহা তিনিমাহৰ ভিতৰত ভৱনটি সম্পুৰ্ণ হৈ উঠিব বুলি দিলীপ গজুৰেলে সংবাদমেল যোগে জানিবলৈ দিয়ে ৷ লগতে একাংশলোকে তেওঁৰ ওপৰত ভিক্তিহীন অভিযোগ আনি জনমানসত হেয় পতিপন্ন কৰাৰ চেষ্টা কৰা কাৰ্যক গৰিহণা দিছে ৷

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.