ফইজুল হক চৌধুৰী
নলবাৰী গোপাল বজাৰ নিবাসী ৰূপালী শৰ্মা হৈছে উচ্চ শিক্ষাৰে শিক্ষিত এগৰাকী মহিলা এই গৰাকী মহিলাই শতাধিক মহিলা যুৱক-যুৱতীক দেখুৱাইছে স্বাৱলম্বীতাৰ সুন্দৰ নিদৰ্শন।
উচ্চ শিক্ষাৰে শিক্ষিত হৈ ও চাকৰিৰ পিছত অনাই বনাই ঘুৰি নাথাকি নিজে নিজৰ সংস্থাপনৰ পথ বিচাৰি লৈছে এইগৰাকী মহিলাই।
কেক প্ৰস্তুত কৰি নিজে নিজৰ কৰ্ম-সংস্থাপনৰ পথ বিচাৰি উলিয়াইছে ৰূপালী শৰ্মাই।
তেওঁ কেক প্ৰস্তুত কৰাৰ লগতে এখন কেক মাৰ্ট নামেৰে কেক আৰু কেক প্ৰস্তুত কৰাৰ সকলো ধৰণৰ সামগ্ৰীৰ দোকান চলাই আছে এইগৰাকী মহিলাই।
প্ৰায় ২ বছৰ ধৰি তেওঁ ৰূপালিছ ড্ৰিম কীটচেন নামেৰে এটি কেক প্ৰশিক্ষণ কেন্দ্ৰ খুলি ইতিমধ্যে প্ৰায় শতাধিক মহিলা যুৱক যুৱতীক আত্ম নিৰ্ভৰশীলতাৰ পথ দেখুৱাইছে ।
যোৱা ১৩ আৰু ১৪ নৱেম্বৰত ৰূপালিছ ড্ৰিম কীটচেনৰ তৰফৰ পৰা এটি কেক বনোৱা প্ৰশিক্ষণ হৈ যায় ।
য’ত প্ৰশিক্ষণৰ প্ৰশিক্ষাৰ্থী বোৰক প্ৰশিক্ষণৰ অন্তত অৰ্থাৎ ১৪ নৱেম্বৰ তাৰিখে চৰকাৰী স্বীকৃতি প্ৰাপ্ত প্ৰমানপত্ৰ প্ৰদান কৰে ।
ৰূপালী শৰ্মাৰ এনে প্রচেষ্টাক সচেতন মহলে প্ৰশংসা কৰিছে।
