কৃষ্ণাইত কৰ’নাৰ প্ৰট’কল ধোঁৱা চাঙতঃৰাইজক সজাগ হ’বলৈ আহ্বান সচেতন মহলৰঃপ্ৰশাসনকো অধিক তৎপৰ হ’বলৈ দাবী

♦কৃষ্ণাইৰ পৰা কন্দৰ্প কুমাৰ দেৱ নাথঃ দেশৰ লগতে ৰাজ্য খনত কৰ’না পজিটিভ ৰোগীৰ সংখ্যা উদ্বেগজনক ভাৱে বৃদ্ধি পাই আছে৷ প্ৰতিদিনেই  একাধিক  লোকৰ মৃত্যু ঘটিছে মহামাৰী কৰ’নাত ৷ পিছে এইবোৰ দেখি শুনিও যেন গা লৰা নাই অলেখ অদূৰদৰ্শী লোকৰ ৷ আজিও মাস্ক পৰিধানত অনিচ্ছুক সমাজৰ অলেখ জনতা ৷ সামাজিক দূৰত্বৰ প্ৰয়োজনীয়তা বহুতৰ বাবে যেন ধৰ্তব্য বিষয়ে নহয় ৷ গোৱালপাৰা জিলাৰ কৃষ্ণাইতো তেনে এখন ভয়ানক ছবিয়ে দৃষ্টিগোচৰ হৈছে প্ৰতিনিয়ত ৷ সদা ব্যস্ত কৃষ্ণাই গ্ৰাম্য চহৰ খনত আজিও মাস্ক পৰিধান নকৰাকৈ  টিঘিলঘিলাই ঘূৰি ফুৰা দেখা গ’ল বহু লোকক ৷ বহু ব্যৱসায় প্ৰতিষ্ঠানৰ মালিক তথা কৰ্মচাৰীকো দেখা গ’ল মুক্ত বদনে ৷ আটাইতকৈ ভয়ংকৰ কথাটো হৈছে কৃষ্ণাইত প্ৰায় সংখ্যক লোকেই সামাজিক দূৰত্ব বজাই ৰখাৰ ক্ষেত্ৰত উদাসীন ৷ হোটেল,গেলামাল দোকান,বস্ত্ৰালয়,পাচলিৰ বজাৰ,মাছ মাংসৰ বজাৰ এনেকি বিত্তীয় প্ৰতিষ্ঠান বোৰতো সামাজিক দূৰত্বৰ অস্তিত্বই নাই ৷ বেংকৰ সমুখত গ্ৰাহকৰ ভিৰ দেখি এই সন্দৰ্ভ কৃষ্ণাইস্থিত পাঞ্জাৱ নেচনেল বেংক (পূৰ্বৰ ইউনাইটেড বেংক অব ইণ্ডিয়া)ৰ শাখা পৰিচালকৰ পৰা জানিব বিচৰাত তেওঁ কয়- ৰাইজক বাৰংবাৰ অনুৰোধ কৰাৰ পিছতো সামাজিক দূৰত্ব নামানি বেংকৰ সমুখত ভিৰ কৰে ৷ এই ক্ষেত্ৰত প্ৰশাসনৰ পৰাও বিশেষ সহযোগ নোপোৱা বুলি ক্ষোভ ব্যক্ত কৰে পৰিচালক জনে ৷ তেওঁ প্ৰশাসনক সামাজিক দূৰত্ব নমানা লোকৰ বিৰুদ্ধে ব্যৱস্থা ল’বলৈ আহ্বান জনায় ৷ আনহাতে, কৃষ্ণাইৰ সচেতন মহলেও এই ক্ষেত্ৰত প্ৰয়োজনীয় পদক্ষেপ গ্ৰহণ কৰিবলৈ প্ৰশানক আহ্বান জনাইছে ৷ 

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.