ৰমেশ চন্দ্ৰ চৰেণ ২ নৱেম্বৰ :
আদিবাসী সকলৰ অন্যতম কৃষিভিক্তিত উৎসৱ চহৰাই পৰৱৰ দিন চমু চাপি অহাৰ লগে লগে এই উৎসৱক কেন্দ্ৰ কৰি ৰাজ্যখনতে এক উৎসৱমুখৰ পৰিবেশ বিৰাজ কৰিছে ৷
অন্যান্য আদিবাসীভুক্ত জনগোষ্ঠীৰ ভিতৰত চাওঁতালী ভাষী লোক সকলে এই উৎসৱক পালন কৰিবৰ বাবে তৎপৰ হৈছে ৷
ব্যক্তিক্ৰম হোৱা নাই শিল্পী সকলেও ৷ শিল্পী বাসন্তী হাসদাই চহৰাই পৰবৰ উপলক্ষে নিৰ্মাণ কৰি উলিয়াইছে ” যুগ যুগ চহৰাই পৰৱ ২০২১ ” নামৰ এটি ভিডিঅ এলবাম ৷ চাওঁতালী জনপ্ৰিয় কণ্ঠশিল্পী এল.ডি হাসঁদাই পৰিচালনা কৰা এলবামৰ গীতটিত সুৰ দি কণ্ঠদান কৰিছে ৷ ইতিমধ্যে শুভমুক্তিও লাভ কৰিছে ভিডিঅ এলবামটি ৷
জনপ্ৰিয়তা অৰ্জন কৰা ” যুগ যুগ চহৰাই পৰৱ ২০২১” এলবামটিত চাওঁতাল সকলে “চহৰাই পৰৱ” ক পালন কৰাৰ সাংস্কৃতিক পৰিক্ৰমাৰ বিশেষ দিশটোৰ ওপৰত গুৰুত্ব আৰোপ কৰা হৈছে ৷ এলবামটিৰ সংগীত পৰিছালনা আদিবাসীৰ জনপ্ৰিয় কণ্ঠশিল্পী ভিক্টৰ লাকড়াৰ ৷ ভৈৰাগুৰি পথাৰ চাইচম্পা চাওঁতালী দল আৰু কমাৰপথাৰ বীণাপাণি ঝুমইৰ দলে সুন্দৰভাবে নৃত্য প্ৰদৰ্শনেৰে অসমৰ শোণিতপুৰ জিলাৰ বৰবিল , কাৱৈমাৰী আৰু ভৈৰাগুৰিৰ লোকেচনত দৃশ্যগ্ৰহন কৰিছে ৷ তপন চৰেণ’ৰ ব্যৱস্থাপনাত হোৱা ভিডিঅ এলবামটি L.D Hasda নামৰ ইউটিউব চেনেলত উপলব্ধ হব ৷ সকলো সাংস্কৃতিকপ্ৰেমী ৰাইজক ইউটিউব চেনেলটি চাবক্ৰাইব , চেয়াৰ কৰি লাইক কমেণ্ট এলবামটি উপভোগ কৰিবৰ বাবে অনুৰোধ জনাইছে কণ্ঠশিল্পী এল.ডি হাসদাই
৷
